Вести

Скопје, 11 јуни 2010 година

Управата за спречување на перење пари и финансирање на тероризам изготви Упатство за изработка на програма за примена на мерки и дејствија за спречување на перење пари и финансирање на тероризам од страна на субјектите.

Скопје, 15 април, 2010 година

Во посета на Управата за спречување на перење пари и финансирање тероризам денеска престојуваше заменик амбасадорот на Кралството Холандија во Република Македонија, господинот Герт Кампман. Амбасадорот беше информиран за активностите, достигнувањата, но и за проблемите со кои се соочува управата во своето работење.
На високиот гостин од Холандија му беше презентиран и начинот на функционирање на целокупниот систем за спречување на перење пари и финансирање на тероризам во Република Македонија.

Скопје, 07 април, 2010 година

Директорот на Управата за спречување на перење пари и финансирање на тероризам, Ване Цветанов и претседателот на Советот на експерти на Агенцијата за супервизија на осигурувањето, Климе Попоски, потпишаа Меморандум за сорабока на двете институции.
Меморандумот претставува рамка во која ќе се одвива понатамошната соработка меѓу УСППФТ и Агенцијата за супервизија на осигурувањето.

Скопје, 22 февруари 2010 година

Управата за спречување на перење пари и финансирање на тероризам од март ќе почне серија обуки на вработените во субјектите задолжени да превземаат мерки и дејствија за превенција против перењето на пари и финансирање на тероризам.
Целта на обуките е подобро запознавање на вработените во субјектите со законските обврски и светските трендови во оваа област.

Стразбур 11 декември 2009 година

На пленарниот состанок на MONEYVAL комитетот при Советот на Европа, што се оддржа од 7 до 11 во Стразбур (Франција), беше избрано ново раководство и нови членови на Бирото на MONEYVAL.

Скопје, 27 ноември 2009 година

Република Македонија, во своите настојувања за полноправно членство во Европската Унија, континуирано работи на исполнувањето на критериумите и стандардите што ги бара од нас унијата.
Една од нив е и обврската на финансиските институции за вршење на засилена анализа на политички експонираните лица. Истата произлегува од Европската Директива 2005/60/EC – Директива за превенција на употреба на финансискиот систем за целите за перење пари и финансирање на тероризам, и Комисиската Директива 2006/70/EC - со која се утврдуваат мерките за спроведување на Директивата 2005/60/ЕC на Европскиот Парламент и на Советот во врска со дефиницијата за „политички изложено лице“ и техничките критериуми за поедноставени постапки за процена на корисникот и за изземање врз основа на финансиска дејност која се врши повремено или на ограничена основа.

25 ноември 2009 година

Организираниот криминал на Балканот ја загрозува европската безбедност бидејќи балканските земји стануваат една од главните зони за влез на криминални структури во просторот на Европската унија, се наведува во извештајот на аналитичката и истражувачка агенција на Конгресот на САД за состојбата на западен Балкан.

Лимасол (Кипар), 09 ноември 2009 година

Тричлена делегација на Управата за спречување на перење пари и финансирање на тероризам, предводена од директорот Ване Цветанов, отпатува во Лимасол (Кипар), каде што од 10 до 12 ноември ќе се оддржи осмата Конференција на експерти за типологии на перење пари и финансирање на тероризам на MONEYVAL комитетот.