Скопје 1 ноември 2008 година

Стапи на сила Правилникот за постапката за вршење на надзор од страна на Управата за спречување на перење пари и финансирање на тероризам врз обврзаните субјекти.
Со овој правилник, се заокружува регулативата што ја регулира работата на Одделението за инспекциски надзор при УСППФТ, и се овозможува подобра контрола врз целокупното функционирање на СППФТ системот во Република Македонија.

Скопје 29 октомври 2008 година

Деновиве почна да функционира електронската размена на податоци меѓу Управата за спречување на перење пари и финансирање на тероризам и Агенцијата за вработување на Република Македонија.
Со ваквата размена ќе се овозможи побрз проток на информации меѓу двете институции, што директно ќе придонесе за подобрување на ефикасноста на работата на УСППФТ.

Од 21 до 23 Октомври, во организација на Проектот за зголемување на капацитетите на Управата за спречување на перење пари и финансирање на тероризам, поддржан од Британска Амбасада, беше реализирана студиска посета на вработените од IT одделението на УСППФТ, на Белфаст, Северна Ирска.

Торонто (Канада) 20 – 23 октомври

Од 20 до 23 октомври во Торонто се оддржа состанок на работните групи во состав на ЕГМОНТ, на кој со свој претставник активно партиципираше и Управата за спречување на перење пари и финансирање на тероризам.
На состанокот беше акцентирана потребата од порешителна борба против перењето на пари што потекнуваат од бизнисот со детска порнографија и од кеш – базираните економии.

Струга 15 октомври

Соединетите Американски Држави се горди што ја имаат Македонија како партнер во борбата против тероризмот и финансискиот криминал. САД ќе и помогне на Република Македонија во напорите што ги прави во борбата против перењето на пари и финансирањето на тероризмот и ќе ја поддржи интензивната соработка меѓу агенциите за финансиско разузнавање на двете земји.

Скопје 7 октомври 2008

Претставници на Управата за спречување на перење пари и финансирање на тероризам денеска остварија работна средба со претставници на фирмата Сивус, задолжена за изработка на софтвер за листи на терористи. На средбата беа разменети мислења во врска со обликувањето на софтверските решенија, а беше договорено и интензивирање на контактите, со цел што поскора имплементација на новиот софтвер.

Варшава 30 септември

Во оранизација на ФИУ Полска и US Treasury, од 29 до 30 септември во Варшава се оддржа Конференција за спречување на перење пари и финансирање на тероризам, на кој активно учество зедоа и претставници од УСППФТ.

Скопје 25 септември 2008

Во рамките на Твининг проектот – Зајакнување на капацитетите за спречување на перење пари - фаза 2, од 22 до 25 декември во Скопје се оддржа Семинар за методологија на супервизија и инспекциска постапка.